“Çelsi” İngiltərə Liqa Kubokunun final mərhələsinə vəsiqə qazanıb.
“Elitinfo” xəbər verir ki, Londonun “Stemford Bric” stadionunda keçirilən yarımfinal mərhələsinin cavab qarşılaşmasında “zadəganlar” “Tottenhem Hotspur”u qəbul ediblər.
Görüşün əsas hissəsi 2:1 hesabı ilə ev sahiblərinin xeyrinə başa çatıb. Penalti seriyalarında isə “Çelsi” daha dəqiq oynayıb.
“Tottenhem”in meydanında keçirilən ilk qarşılaşma ev sahiblərinin 1:0 hesablı qələbəsi ilə başa çatmışdı.
“Çelsi” finalda “Mançester Siti” ilə üz-üzə gələcək, “Tottenhem” isə kubok turnirini tərk edib.