Azərbaycan Milli Elmlər Akademiyası (AMEA) Torpaqşünaslıq və Aqrokimya İnstitutunun direktoru, AMEA-nın müxbir üzvü, professor Əlövsət Quliyev “Qədim sivilizasiyalarda su və kəhriz texnologiyaları” mövzusunda beynəlxalq simpoziuma dəvət alıb.
İnstitutdan “Elitinfo.az”-a bildirilib ki, Beynəlxalq Su Resursları Assosiasiyası və İordaniyanın Əmman Universiteti tərəfindən sentyabrın 11-dən 13-dək keçiriləcək simpoziumda bir çox ölkələrdən tarixçilər, arxeoloqlar və tədqiqatçılar iştirak edəcəklər.
Simpozium qədim dövrdən bəri dünyanın su və tullantı problemlərinə, həmçinin sel suları təkamülünə aid mövzulara həsr olunub.