Dekabrın 6-da Praqada Ermənistanın eks-prezidenti Serj Sərkisyanın qardaşı oğlu Narek Sərkisyan saxlanılıb.Elitinfo.az xəbər verir kibu barədə “Aykakan Jamanak” qəzeti məlumat yayıb.
O, saxlanılan zaman Qvatemala vətəndaşı Franklin Qonzales olduğunu göstərən saxta pasport təqdim edib. Artıq Çexiya rəsmiləri Ermənistan Baş Prokurorluğuna Sərkisyanın ekstradisiya prosesinin başladılmasıyla bağlı müraciət ediblər.
Qeyd edək ki, Narek Sərkisyan Aleksandr Sərkisyanın oğludur. Ona qarşı 26 iyunda cinayət işi açılıb. O, qanunsuz silah saxlamaqda, daşımaqda, psixotrop maddələrin hazırlanması və qeyri-qanuni dövriyyəsində ittiham olunub. 24 iyulda Narek Sərkisyan beynəlxalq axtarışa verilib.