Təhsil Nazirliyi yanında Peşə Təhsili üzrə Dövlət Agentliyində 20 Yanvar faciəsinin 29-cu ildönümü ilə əlaqədar anım mərasimi keçirilib. Agentlikdən “Elitinfo.az”-a bildirilib ki, əvvəlcə 20 Yanvar faciəsinin qurbanlarının əziz xatirəsi bir dəqiqəlik sükutla yad edilib.
Tədbirdə çıxış edənlər həmin gecənin Azərbaycan tarixində təkcə faciə deyil, həm də xalqımızın istiqlal yolunun zirvəsi olduğunu qeyd ediblər. Vurğulanıb ki, 20 Yanvar faciəsi heç vaxt unudulmayacaq, şəhidlərimizin əziz xatirəsi xalqımızın qəlbində daim yaşayacaq.
Anım mərasimində Qanlı Yanvar faciəsi haqqında film nümayiş olunub.