Bakı şəhərinin müxtəlif ərazilərində mövsümi ağacəkmə işlərinə başlanılıb.

Bakı Şəhər İcra Hakimiyyətinin mətbuat xidmətindən Elitinfo.az-a verilən məlumata görə, paytaxt ərazisində yaşıllıq sahələrinin artırılması məqsədilə Yaşıllaşdırma Təsərrüfatı Birliyi tərəfindən şəhərin yeni yaşıllıq planı hazırlanıb.

Təcrübəli landşaft mütəxəssisləri tərəfindən hazırlamış bu xüsusi plan Bakı şəhərində yaşıllıq sahəsində yeni rənglərin yaranmasına səbəb olacaq.

Əkin prosesində Bakı şəhərinin iqlim şəraitinə uyğunlaşdırılmış yerli ağac növləri ilə yanaşı, yeni növ enliyarpaqlı ağaclardan və xüsusi rəng çalarlarına malik olan ağcaqayın ağaclarından istifadə olunması nəzərdə tutulur.

Paytaxtın yaşıllıq səviyyəsinin keyfiyyətcə daha yüksək səviyyəyə çatdırılması məqsədilə həyata keçirilən bu tədbirlər paytaxtın estetik görünüşünün yaxşılaşdırılamasına və keyfiyyətcə yeni səviyyəyə çıxmasına təkan verəcək.